TUDES, a TUNDO

TUDES, a TUNDO

malleus est, quô pulsamus, quem martum et martellum Recentiores dixêre. Unde Carolum Maiorem Domus Regni Franciae, Pipini Regis patrem, Caroli M. avum, ob eximiam in bellis proeliisque fortitudinem, non Martellum solum, uti diximus supra, sed et Tuditem, cognominatum legimus. Hugo Flav. in Chronico, Ideo Tudites appellatus est, quod est malleus fabri: quia sicut malleô universa tunduntur ferramenta, ita ipse contrivit omnia Regna sibi vicina. A'Contundendo videl. hostes, quod Tuditis malleique proprium est. Albinovanus de Druso,

Ille genus Suevos acre, indomitosque Sicambros

Contudit, inque fugam barbara terga dedit etc.

Vide Car. du Fresne voce Martus. Diminutiv. Tudicula est. Plin. l. 36. c. 8. Thebaicus interstinctus aureis guttis invenitur in Asricae parte, Aegypto adscriptae, tudiculis ad terenda collyria quâdam utilitate naturali conveniens, ad quem locum vide Salmas. ad Solin. p. 1051.